Ny mnd nye muligheter. Då var vi ferdig med dei fire første mnd i 2024, og samtlige mnd har gitt auke i omsetnaden i forhold til den same mnd i fjor (opp 55 % i april). Tusen takk til alle mine gode kundar som støtter opp om den lokale fotografen/rammemakeren. Fantastisk kjekt å sjå at det nye fotostudioet har blitt så godt mottatt. Gåvekorta som vi solgte på tilbod før jul hadde varigheit ut april mnd, så det har vore spesielt mange familiefotograferinger den siste tida. Dei fleste som kjem her i studio er nordhordlendinger, og mange av dei har eg ein eller annan relasjon til frå før. Av og til kjem det folk frå «hi sio tå brunæ», sånn som Wenche og Rune Stiansen. Wenche kjem frå Odda og Rune er kjuagutt frå Bergen. Dei budde lenge på Øvsttun i Fana, men har no etter at dei vart pensjonistar kjøpt seg ein ny og flott leilegheit i Os. Dei fortel at mange av naboane på Øvsttun brukte å handle på Lagunen. Sjølve la dei som oftast handleturen til Os, og slik vart det til at Wenche og Rune valgte Os då dei skulle selge og kjøpe nytt. Takk for at dere tok turen over flytebrua og til Knarvik for å bli fotografert.

Hatt ein kjekk søndag i gråværet. Først var det familiefotografering i studio med 17 personer, og etterpå hadde eg avtale med entertaineren og musikeren Helge Nilsen. Det som mange kanskje ikkje er klar over er at Helge Nilsen også er tidlegare fotballspelar. Han spelte på A-laget til Brann i 1964 saman med Kniksen og Pesen, og var tilbake igjen i Brann til 71-sesongen. Helge Nilsen fyller 80 år i haust. Han vart fødd på Laksevåg i Bergen 4. oktober 1944, akkurat same dagen som Holen skole vart bomba og nesten 200 sivile vart drepne, derav 61 skuleborn.

Endre Blindheim (født 1947) spelte i Brann frå 1969-76, berre avbrutt av 72-sesongen då han gjekk på skule i Oslo og spelte for Skeid. Det året møttest Brann og Skeid til dyst i Bergen allereie i andre serierunde. Det kom eit høgt innlegg inn i feltet og Blindheim gjekk i duell mot sine gamle lagkamerater, midtstopper Atle Bilsback og keeper Oddvar Træen. Lysluggen Blindheim var kjend som ein god hodespelar og raga høgt i feltet, men såg fort at han ikkje ville nå ballen. Som ein refleks rakk han opp armen og slo ballen i mål. Dommar Kaare Lindboe frå Vidar godkjende målet. Blindheim blei med det matchvinner for bortelaget på si gamle heimebane, etter ei omdiskutert scoring som gamle Brann-supportere framleis kan diskutere når dei treffest. Endre Blindheim avslutta si aktive karriere i Brann sommaren 1976, det same året som rødtrøyene blei cupmester etter å ha slått Sogndal 2-1 på Ullevaal. Blindheim hadde nok kamper i dei innleiende rundane til å bli cupmester. Trener Bill Elliott ville likevel gje han ei verdig avskjed framfor eit entusiastisk heimepublikum, og derfor vart Blindheim bytta inn for Bjørn Tronstad på slutten av kampen i semifinalen mot Odd heime på Brann Stadion, i ein kamp bergenserne vant 3-0. Bildet av Endre Blindheim er fotografert på Laksevåg i Bergen langfredag (29. mars) 2024.

I dag tidleg fekk eg ein artig telefon: «Hei, det er Gabriel Høyland frå Bryne her». Då hadde han fått boka mi om fotball-heltene frå dei glade 70-åra i gåve frå søstera si (bestemor til Erling Braut Haaland). Kvar søndag formiddag er Gabriel programleiar for ein nærradio på Bryne. Han lurte på om eg ville vera med på ei direktesending på radioen ein times tid seinare, og fortelje litt om fotballboka og korleis eg gjekk fram for å få dette til. Gabriel fortalte at han kjende omtrent alle spelarane som var portrettert i boka, og at han synes det var så artig å sjå korleis dei såg ut i dag. Dette var skikkeleg gøy. Ikkje så ofte eg får telefon frå ein fotballspelar av eit slikt kaliber. Gabriel Høyland er for meg ei klubblegende på linje med Kjetil Hasund og eit fåtall andre spelarar som framleis er i live, hakket rett under Tom Lund.

Valentines. Takk til morellpiken Eli Pugerud som stiller opp som modell. Gøy å leke seg litt.

Sunnmøringen Bjarte Flem (født 1958) er ein av dei store kultheltane vi har hatt i norsk fotball. Han var Tromsø-keeper då han gjorde eit spektakulært sjølvmål i ein direktesendt tippekamp mellom Tromsø og Sogndal i 1988. Bjarte hadde plukka opp ballen med høgre handa si og skulle til å kaste den ut til ein medspelar på venstre back, då han brått oppdaga at denne medspelaren var markert av ein motspelar. I siste liten ombestemte han seg, men då glapp ballen ut av hendene hans og inn i eige mål. Hendiga kom på forsida i alle dei store riksavisene, og vart sendt på TV-kanaler verden rundt. Då Bjarte hadde lagt hanskene på hylla i 1990 vart han overtala til å ta ein sesong mellom stengene på Myking/Kløvheim i 6. divisjon mot at han skulle få ein hyttetomt på Sævråsvåg som kompensasjon. Bjarte fortel i dag at han ikkje fekk byggeløyve på tomten, så derfor vart han aldri feriegjest i Nordhordland slik det var tenkt. Bildet av den gamle keeperkjempen er fotografert i dag 5. februar 2024. PS: Er det andre enn eg som synes det er nokke John Cleese look-alike her?

I dag har eg hatt besøk av Oddvar Husa (fødd 1943) frå Fedje. Han representerer siste generasjon kvalfangarar frå den vesle øya, og hadde mange artige historiar å fortelje etter eit langt liv som fangstmann. Då dei kjøpte båten «Feie» i 1978 var det fire eigarar og eit mannskap på sju. Alle desse sju var ekte fedjingar. Oddvar fortel at dette var i storhetstida til karane. Heile mannskapet hadde flust med ungar, og alle ville dei vera til stades på hamna då pappaene skulle ut på tokt. Om dei hadde fem ungar kvar så blir det 35, og med vener i tillegg kunne det fort bli opp mot 50 ungar som stod på kaien og tok farvel. Oddvar seier han hugsar ein gong det var ein kontrollør til stades før dei skulle leggja ut frå Fedje. Kontrolløren synes det var heise med ungar til stades, men Oddvar og kompani sa berre at dette var ungane deira. Den gamle fangstmannen lo godt då han fortalde dette. Oddvar er gift med tidlegare ordførar Vilgjerd Storset Husa. De bur fortsatt på Fedje, men har og kjøpt seg ei leilegheit i Knarvik. Takk for praten Oddvar, dette var kjekt og lærerikt.

Så var det igjen snart tid for overrekking av «Årets bedrift» i Nordhordland. De siste tolv årene har gullsmed Hilde Rongevær vært kunstneren bak produktet som den heldige bedriften mottar, og som skal henge på veggen et eller annet sted som en fin bekreftelse på heder og ære. Like lenge har vi i Studio Nordhordland rammet inn denne utmerkelsen, et nydelig monument over Nordhordlandsbrua håndlaget i sølv. Takk for oppdraget og godt samarbeid Hilde

I romjulen er det full rulle med familiefotograferinger. I dag var Ann Christin Hoen og Jon Halstein Tjore her med de flotte barna sine. Som en god familievenn tok eg noen raske snapshots av LYDIA når hun var i fotostudio mitt. Første gangen eg fotograferte Lydia var i 1995, da var hun bare ett år. Nå er hun blitt en profesjonell operasangerinne med opptredener både i inn -og utland bak seg. Lykke til videre med karrieren din Lydia. Alltid så kjekt å treffe på deg, smilende og blid som du er.

Magnhild (fødd 1944) og Ole Lysø (fødd 1940) var i studio hos meg i forrige veke og fotograferte seg. Dei gifta seg i Austrheim kyrkje i 1964, og kan altså feire 60 års bryllupsdag til neste år. Ole kjem frå Averøy kommune på Nordmøre der han gjekk første skuleåret, før familien kjøpte seg gard på Austrheim i 1948. Han fortel at han hadde sjølvaste Peder Leithaug som lærar i 1. klassen, og seinare skulle jo dei begge bli markante personligheter i Nordhordland. Peder (1925-2013) var annerkjent innan song, musikk, og som billedkunstnar. Han var lærar på Nordhordland Folkehøgskule i 25 år, før han i 1980 valgte å satse som kunstnar på heiltid. Ole som kjent fagforeningsmann og lokalpolitikar. Han har vore ordførar i Austrheim kommune i fleire perioder, og vart heidra med KS-medaljen då han gjekk av som ordførar i 2011. Magnhild (fødd Høysæter) kjem frå Grove i Norheimsund, noko som tyder midt i Norheimsund sentrum. Ho hadde ei tante på Austrheim som ho besøkte, og slik vart det til at Magnhild og Ole traff kvarandre. Dei bygde nytt hus på Austrheim i 1968, med kafe oppe og overnatting nede, men budde sjølv vidare i gamlehuset i ti år til. Kafeen vart mykje brukt som selskapslokale av folk i nærområdet, til feiring av runde dagar, bryllupsfester, og andre store begivenheter. Handelsreisande som hadde utpakninger av varer i kafeen overnatta ofte i første etasjen i huset. Magnhild og Ole fekk to søner (1967 og -69), og det har etter kvart blitt seks barnebarn i slekta. Dette var kjekke folk å ha i fotostudio.

Rart kva ein finn når ein rydder i arkivet. Dette er frå september 1989. Ein ung Arne Årseth på 28 år fotograferer 51-årige Ivar Medaas. Bildet er tatt med Kodak T-max S/H-film